15/8/16

15/8/16   MON   HOT

今朝老公揍哂兩個入青衣啦, 我就自己買早餐返工, 今日老細高層過哂澳門, 所以好free啦! 朝早寫番D日記先, 跟住就做吓公事啦, 午飯要去買飯, 平平地食兩餸飯算啦, 飯後都係睇吓電視打吓機! 下午都有D嘢做吓咁啦, 不過都係等時間過架啦, 放工返青衣, 未食飯時GE仲仲其實都係好可愛, 但叫佢地埋位食飯已經開始勞氣, 仲仲食咗幾啖已經話要落地, 我又開始火, 火足全餐, 其實我真係唔想, 但奶奶愈幫我就愈火, 次次都有唔同藉口, 今次就話仲仲冇瞓晏覺, 講到尾咪又係要人餵, 明明識食做咩要餵! 返到屋企就沖涼啦, 我講咗冇自己食飯冇奶食架, 仲爺就犯哂規咁係到扮可憐, 我和解話明天一定要自己食, 咁明晚喺番自己屋企食, 我估佢都應該合作GE! 捉咗仲仲去瞓, 我就試吓做7mins workout, 原來真係好攰架, 不過呢個workout好似唔太集中肚腩, 下次試吓做減腩嗰個workout先! 沖完涼睇電視摺衫, 睇埋J2套劇就瞓啦!