17/8/16

17/8/16   WED   RAIN

今朝老公好早就出門口, 因為佢要去順德, 嫲嫲會自己出嚟, 咁我咪喺屋企等囉, 嫲嫲嚟接更我就返工啦, 買埋早餐返去食, 今朝都係好hea, 做吓自己嘢, 午飯專心睇電視, 因為琴晚唔記得睇, 點知老細臨尾嗰part返咗嚟阻住哂! 下午佢地梗係係咁開會啦, 咁尾場我都要開, 又有好多嘢要同老細商量咁啦, 不過我都係準時收工, 先去程太到交低小童報名的文件, 跟住就去街市買嘢, 仲買咗美心冰皮, 再去小童接子元, 再返惠康買平嘢飲, 抬返屋企都幾喺嘢! 返到去收拾吓準備開飯啦! 仲仲之前玩玩具整到隻手指, 哥哥返到嚟已經同佢貼咗膠布, 但食飯時, 佢竟然同哥哥講, 「我整到隻手指, 自己食唔到飯呀」, 跟住哥哥就話「咁好啦我今日就餵你啦, 但聽日你要自己食番架」, 睇咗佢兩兄弟咁互動, 真係好鬼可愛呀! 食完飯就抺地啦, 再同佢兩個沖涼, 再K.O.埋笨元就做set 7mins workout減肚腩版, 不過原來好吃力呀! 跟住就沖涼睇電視捉子元執嘢等等啦, 佢瞓咗我就摺衫啦, 老公同D同事食埋飯先返, 都12點啦!