12/8/16

12/8/16   FRI   HOT

今日要等嫲嫲嚟接更我先返工, 買埋早餐返去食, 上午都係喺到plan澳門行, 爬吓文咁了解吓! 午飯後睇番J2套劇啦, 下午老細返咗嚟, 但又係捉住嗰兩條友開會喎, 邊有咁多會開呀, 不過佢唔嚟煩住我地都算係咁啦! 不過最搞笑係長毛囉, 因為有個電話搵老細, 咁我唔肯定找佢個人是否重要, 就按電話過去問, 因為我開咗speaker嚟問, 老細聽完我講就叫長毛去應酬咗佢話唔聽, 點知長毛叫番老細轉頭去聽喎, 佢真係好冇腦! 放工去咗759shopping, 主力買D平嘢啦梗係, $113蚊就買咗好多嘢啦, 間中都要補給吓D零食! 接咗子元放合唱團同埋入簽等等, 今日程生嚟接, 送咗我地去泳池佢就走啦, 敏瑩要參加麗閣小童的camp呢! 揍咗子元入泳池我就回家執吓嘢先, 夠鐘接子元時帶埋仲仲落去, 咁嫲嫲可以安心D煮埋D餸! 返上樓同佢兩個沖埋涼就開飯, 食完我就抺地奶奶幫我洗咗碗, 咁可以快手K.O埋仲仲去瞓, 我就沖涼睇城寨, 睇完咪趕埋子元去瞓, 我就睇埋J2套劇先瞓囉!