6/8/16

6/8/16   SAT   HOT

今日短周, 不過朝早冇咩做, 所以食完早餐帶咗佢地去放車, 然後先返屋企, 沖個身執吓嘢先, 約咗阿媽佢地飲茶, 預祝我生日呢, 嘻嘻! 老公入沙田車阿婆出嚟, 叫佢帶埋仲仲, 咁我只管子元啫, 1點落去酒樓啦, 等齊人都差不多2點, 食住等啦, 然後就上咗我屋企切蛋糕, 吹吓水咁! 4點多才散水, 我地就出吓街啦, 去咗Mega Box啦, 因為我想去IKEA買嘢, 都順利買到個裝碗碟架, 其實個廚房都係要執架啦, 散哂D嘢出嚟好亂! 買完就順道食埋嘢先再去睇玩具啦, 玩到8點左右就回家, 老公放低我地就去踢波, 我K.O.咗佢兩個就開始邊睇電視邊執廚房啦, 終於完成咗, 整整齊齊咁幾好! 等得老公回來我都瞓咗, 佢叫我瞓先佢沖完涼就入房, 但我醒時發現佢冇人房, 原來佢喺梳化瞓鬼咗, 好搞笑!