10/10/17

10/10/17   TUE   HOT*

今朝仲爺又一早起咗身, 掛住要同佢沖涼等等又唔記得提子元食藥, 佢今日實餓鬼上身咁啦! 仲爺都係, 琴晚冇食飯, 今朝食咗兩份朱古力波波! 返到公司食個包飲杯啡醒一醒先啦, 又唔洗開會又唔洗趕D咩, 所以都係hea吓先! 午飯後睇吓電視啦, 老細午下午喺到,但心情好好喎, 佢真係超級情緒化! 放工買餸接笨元, 返去就忙忙碌碌咁囉, 笨元係沖涼沖得耐囉, 跟住做功課都快手, 煮得飯食都差不多8點, 食完就分配工作, 子元話想學洗碗, 查實係好事但又要慢慢教佢嗰吓煩囉, 叫佢睇我做吓先, 但佢又唔係就咁睇就明GE人, 所以都唔知點教佢! 做好哂嘢就先沖個涼再睇功課, 我總覺得呢幾個鐘真係過得好快, 趕哂佢地上床已經10點幾, 又要開始摺衫, 仲爺因為食飯前先醒, 所以出咗嚟好多次, 11點多先肯瞓!