1/10/17

1/10/17   SUN   HOT

今日子元只係要學打鼓, 所以真係唔想咁早起身, 但仲爺又係到搞事, 7點幾就嘈, 可以點算呢! 9點幾10點出去又係例牌鬧佢兩個啦, 笨元嗰時真係好乖, 自己靜靜睇電視! 搞掂就揍笨元去打鼓, 我地就快手去食個早餐啦, 跟住返屋企做功課, 溫到兩點出去快食個午餐, 老公又去踢波, 我就同佢兩個返去囉, 仲爺喺房架但點都唔肯瞓, 我同子元溫緊書架嘛, 真係令人好心煩! 玩嘢玩到老公返嚟, 唔理佢咁多呀! 5點多終於同子元溫哂書, 但就係冇同佢溫默書, 希望佢自己處理番默書, 四年級啦! 抖咗陣又可以出街, 今次去沙田要買番飾櫃塊玻璃, 又再周圍睇吓, 食埋晚飯咁啦! 返到屋企都10點囉, 沖完涼快D瞓!