8/10/17

8/10/17   SUN   HOT

今日本來諗住襯空檔時間去吓街, 但cube cube唔爭氣有事, 所以都冇咩地方去到! 朝早去畫班, 食埋早餐就去入油呀換油等等, 我就帶仲仲去彈波波, 咁搞掂就去接番笨元啦, 點知渣緊車返去途中死咗幾次火, 都知道有事, 老公喺停車場處理, 我帶佢兩個返上樓先, 子元要執嘢去踢波, 仲快手同佢溫咗少少書, 揍咗佢去球場老公就渣番架車去換油個車房啦, 人地都要時間check, 呢個師傅都算係咁, 佢只係換油, 但都諗辦法整埋! 但起碼兩個鐘, 所以我地只可行返去球場接笨元, 食埋晏, 行咗去D2睇吓嘢, 4點多來電話OK, 咁我就揍仲仲回家, 老公攞咗車再送笨元去泳池啦, 點知我返到去上樓換D過嘢同仲仲落遊樂場玩, 佢都仲未揍到子元去泳池, 咁就死啦都5:15, D人都入哂去, 邊有人帶入去呢, 最終唯有唔游囉, 有時真係好火老公成日都唔識睇時間! 返番屋企咪抖陣溫少少書, 再叫老公去攞PIZZA囉, 佢又要去踢波嘛, 得我同兩隻嘢食, 食完落去買麵包比子元做午餐, 返上去沖好涼就睇電視, 仲爺本身已經好攰, 所以9點趕佢入去就瞓咗, 子元就睇到10點都比我趕埋入房瞓! 老公踢完波買埋晚餐糖水先返嚟呢!