12/10/17

12/10/17   THU   HOT

今朝揍仲爺返學時同副校講開仲爺做功課的問題, 我唔想仲爺喺嫲嫲到做咗先, 因為都唔知佢係咪自己做定渣手做, 亦唔知佢進度, 我真係要睇住佢寫GE過程, 好似數學咁, 係要教佢個羅輯嘛, 仲爺又唔係醒, 唔自己跟我唔踏實囉! 但老公又覺得冇問題嗰吓乞人憎! 買埋早餐返公司食啦, 今日都好hea, 見有嘢就做吓咁啦, 午飯後都係自由吓, 老細三四點都返咗嚟, 不過梗係只同佢兩個愛將開會啦, 其實都幾辛苦, 我真係唔恨做愛將, 我打份工得架啦! 放工返去買餸揍笨元, 返去就煮飯, 笨元就做練習, 佢喺我多年調教吓其實都算自動自覺架啦, 仔真係要教唔係縱囉, 縱有幾難啫, 教先係難呀! 今晚食西餐, 因為子元明天唔洗帶飯可以煮吓其他, 8點多才開飯, 飯後都係要大家分工合作, 煮好涼做功課, 我今日都冇對子元D嘢, 因為知佢明天唔洗交, 所以專注搞掂仲爺D字, 今日個G對佢嚟講原來係咁難, 教咗好耐都未掌握到, 咁大家都好氣餒時我叫佢出廳行個圈, 佢以為我叫佢出去罰企, Daddy見到就話媽媽唔係罰你, 係叫你行個圈抖一抖再做咋, 咁佢又冇嘢入番嚟做啦! 睇到佢自己寫成咁, 我反而好想知, 本身嗰版字喺點嚟呢? 點解D老人家係教唔聽, 我又唔係叫你要做D咩, 我係叫你唔洗做咋喎, 咁都咁難! 完成個細就到個大, 因為被連累全班罰作文, 又要教佢點作啦, 呢個又係豬仔嚟GE, 都小四啦, 作50字都搞唔掂, 點死! 終於可以沖涼, 摺埋衫都11點幾, 打咗陣機12點幾又攰到死先死入去瞓! 老公問星期六晚飯點, 因為子元7點游完水要學圍棋, 我話不如買外賣返嚟食完就揍佢過去啦! 跟住老公話想去AEON買牛扒, 大家都明GE, 星期六係結婚周年呢, 咩紀念我地都係鍾意煮牛扒, 咁心照不宣啦! 其實個死佬有時係幾好GE, 但就係一啖砂糖一啖屎囉, 或者生活就應該係咁啦!