2/10/17

2/10/17   MON   HOT

今日國慶補假, 仲爺又係一早起身搞家, 今次係搞電視機櫃, 我出到去真係好灰, 我都唔明咁多玩具唔玩得GE咩, 係都要搞D佢唔應該搞GE嘢, 老公出嚟打咗佢一身, 罰佢企門口, 我真係好嬲, 覺得好失敗, 點教都唔聽! 到出去食早餐我都仲嬲架, 咁老公梗係叫仲爺同我道歉囉! 去北海道食完早餐老公就去幫個舊同事收樓, 我就揍佢兩個返屋企等, 子元要抄番默書比婆婆, 仲爺就喺房玩玩具, 我就做家務囉, 老公差不多2點先返嚟接我地, 揍仲爺入青衣比嫲嫲, 因為我地要去又一城睇裙, 帶住佢真係睇唔掂, 不過放低佢時都好慘咁, 陰公豬! 去又一城食個晏就去睇衫, 集中喺嗰層睇, 真係試就只係試咗兩間, 唔洗半小時已經決定咗買邊條, 隆重得嚟又唔太誇! 去apple shop接番子元就返去揍仲仲, 一齊去愉景新城, 都係睇玩具晚飯掟彩虹囉! 仲喺反斗城撞到健一家, 抱佢個仔玩吓但佢完全冇發音, 但佢識聽我講嘢GE! 去食牛角, 都算唔錯GE, 係仲爺都要收錢囉! 食完去玩埋掟彩虹就返屋企啦, 仲爺喺車已瞓, 所以返去可以輕鬆好多!