4/10/17

4/10/17   WED   HOT RAIN

中秋節先嚟落雨, 真係令人好擔心今晚的活動! 朝早大家都係要返工返學, 只係人人都有得早放, 仲爺仲有得遲返, 搞到我要交比人帶入學校呢! 返到公司都係做吓自己嘢開吓會咁啦, 都冇咩特別趕唔搞住啦, 午飯後去咗AEON Shopping, 反正老公今日放工接咗笨元會嚟車我, 都唔怕買! 4點老公準時嚟接我, 返到去笨元先做視藝, 老公同仲爺就瞓覺, 我就執嘢摺衫, 6點幾要叫醒佢地出門口, 去阿媽到食飯, 食飯前都好地地, 仲爺喺房玩lego彈琴, 子元喺廳, 但食完又因為爭嘢玩, 子元比DADDY捉住話完竟然走出門口, 咁我都要出去同佢傾架啦, 仲爺有時係衰, 但佢都唔係好嘛! 叫做平息咗啦, 8點幾9點食埋生果就要出發, 因為D同學仔已經到荔枝角公園, 快手過到去, Gloria已經搵咗位, 先鋪咗一幅地墊霸住先, 大家開始趕到, 愈鋪愈多地墊, 霸GE位亦愈來愈大! 班男仔一會合就唔知走咗去邊到玩, 都大個啦可以唔洗睇住, 總之佢地知道基地喺邊就得! 女子組就喺番基地玩多, 仲爺就成日想跟哥哥去玩, 但又唔知自己仲細個, 真係比人踩扁都唔知呀! 我地大人就吹水食嘢咁囉! 好在我地霸到有蓋GE靚位, 因為係咁落過雲雨, 喺出面D人就走哂入嚟避, 我地就無阻雅慶! 玩到11點, last call啦, 15分鐘後收嘢, 順利11:30走得, 返到屋企都差不多12點, 快手沖好涼比佢地兩隻去瞓都就嚟12點, 今晚真係夠哂攰!