16/10/17

16/10/17   MON   WARM

今朝都係要一早起身整飯啦, 揍哂返學就快食個早餐返工, 今朝都係要開會, 不過老細今日唔返都可以自由吓GE! 食完飯打機睇電視啦, 下午大老闆娘返咗嚟一陣, 不過都無影響到, 我都係幫阿媽找吓去新加坡D料, 佢部電腦又唔多掂, 都唔知佢點搞! 老公打嚟要OT, 咁我就要揍哂兩個, 咁點算呢, 最終都係要叫阿媽出手揍咗子元返荔欣先, 我就入青衣揍仲爺, 仲要買埋餸, 點知喺樓下間惠康買舊肉又壞, 豆又爛, 我係冇睇清楚, 但因為仲爺係咁叫急尿, 真係比佢玩死! 好在仲有買包火腿, 咁都煮到意粉囉, 7點幾8點食完做好埋家務就可以同佢地睇功課溫書囉! 都算好快完成, 子元仲可以睇潛行, 為咗睇電視佢仲幫手摺衫! 10點幾佢終於肯去瞓啦, 我已經冇咩趕做, 所以開始hea! 老公差不多12點先返到嚟, 等埋佢先瞓…又點幾啦!