11/10/17

11/10/17   WED   HOT

今朝一起身就見仲爺除咗衫喺廁所唔知搞咩, 我一出嚟佢就跑番入房, 都唔知笑好定嬲好! 揍咗佢地返學就返工啦, 今朝又要開會, 仲要聽埋EYS D嘢, 真係開到想瞓! 之後為咗同佢地講明要洗番自己杯, 佢地又好似好大支嘢咁, 洗隻杯啫, 咁你地唔做又係要我做, 我而家係咪做埋茶水先, 真係講起都把幾火! 午飯後都係睇電視, 老細下午冇返, 真係最free! 下午做吓自己嘢睇吓今晚煮嘢餸囉, 放工即閃去接笨元, 買埋餸返去煮, 中途又要落去幫老公攞嘢上嚟, 因為仲爺又瞓咗, 其實男人之家係咪真係咁冇力呢, 抱仔加書包同一個袋啫, 咁都攞唔掂! 今晚餐飯除咗仲爺唔合作, 大家都好鍾意食! 洗埋碗分工合作同仲爺沖涼呀吸塵抺地等等, 跟住我就兩邊房走, 子元要對功課默英文, 仲爺的功課又比嫲嫲同佢做咗, 我都照擦咗佢叫仲爺再做, 好在條友好似唔多知自己係再做又冇嘈喎, 做好功課仲要再寫寫畫畫其他嘢, 同子元默書時我又講, 仲仲見你喺房溫習佢又會學你喺房溫習架啦, 子元就識話, “咁我要做好個榜樣”, 哈哈! K.O.咗佢地沖埋涼我可以休息啦, 摺衫打機睇電視瞓覺!