5/10/17

5/10/17   THU   HOT*

今朝約咗L4C佢地打籃球, 雖然9點唔係太早, 但琴晚玩到咁夜其實都吃力, 老公講咗若果我唔想去可以照瞓, 咁我比佢鬧鐘7點幾嘈醒咗去完廁所後咪再瞓囉, 知道佢地幾個起身出門口GE, 但我冇理一路瞓, 到老公佢地打完波打比我, 原來我已經瞓11點幾, 真係幾耐未試過! 出去食個branch再返屋企hea, 但真係hea到我都覺得唔知自己做過咩, 而且仲好挫敗咁, 叫仲爺瞓佢唔瞓, 叫笨元溫好默書佢唔專心溫, 老公瞓到3點幾, 出嚟捉笨元入房瞓, 果然係要用非常手段先得, 笨元最終叫做溫哂默書, 6點幾想出去行吓, 老公話去旺角, 子元話田徑要買釘鞋, 咁就去新世紀先食嘢再行吓囉, 不過最終都係買唔到, 咁就再睇吓先啦, 咁鬼貴我都想再考慮吓! 返到去都9點幾10點, 快手沖好涼瞓覺啦!