3/10/17

3/10/17   TUE   HOT

已經迎月, 都仲咁熱! 今朝仲爺要起身沖涼, 佢4點已經嘈咗我一次架啦, 跟住就瞓到7點幾都唔起身, 要我捉佢起身沖涼, 臭到呢…個口, 琴晚D食物喺哂牙到….好核突呀! 整番靚仔就出門口返學啦, 而家唔洗趕其實真係舒服好多, 返到去仲可以同老師吹吓水, 仲要比大蔣見到仲爺的紋身貼紙! 返公司食早餐, 都係寫番幾日日記啦, 午飯後都係睇吓電視啦, 下午老細返咗嚟, 不過今日心情好似唔錯, 所以都冇咩留難我地! 放工返去接笨元, 直接入青衣食飯, 入得去都差不多7點, 嫲嫲又話簡單D, 點知又係一枱餸, 不過好多都係現成食好過帶, 所以帶飯都冇咩啱帶! 仲爺例牌食得衰, 等佢地食完收好碗, 又要影吓相咁, 8點幾9點先可以落去行海旁, 不過可能明天都係要返學, 所冇咩人喺嗰到玩, 行咗個圈就閃, 仲爺又喺車瞓咗, 又唔沖涼就瞓! 我都好攰啦, 做好哂嘢打咗陣機都瞓!