22/10/17

22/10/17   SUN   COOL

朝早去畫班, 慢慢食早餐帶仲爺去彈波波, 夠鐘就揍番子元再去打鼓, 跟住就直接返屋企啦, 老公繼續畫子元個槍房, 咁我又要帶住仲仲去四小龍接番子元囉, 返到去開始作戰啦, 睇埋功課呀改正呀等等, 又開始要溫進評, 英文數學一齊嚟, 真係夠攞命! 其實就咁溫好似都識, 但做卷時又錯咁, 所以都找咗好多比佢做, 仲爺又搞住哂, 又要安撫佢又要溫書, 真係好攰! 4點幾整咗D燒賣食, 跟住一路都係做呀做, 到5點幾老公肯收手啦, 終於完成咗個槍房, 因為要去踢波, 所以先完成得切啦! 6點去到球場, 冇食午餐其實真係餓, 但仲爺又瞓咗, 唯有坐喺到等囉! 踢完上半場老公話對手個隊長好似子元個班主任, 咁就叫子元走過去確認吓啦, 原來真係蘇sir, 呢個世界真係細! 老公下半場已經出咗嚟但都睇埋先, 見咁緊張咪睇埋先囉, 最終我地迫和番對手呢! 過去同蘇sir講byeybe時, 佢話明天進評喎, 溫咗書未呢! 好搞笑! 去食埋嘢行咗陣就走啦, 返去襯子元沖涼時放好咗子元兩把nurf槍入佢個槍房, 等佢出嚟時發現, 佢開心個樣真係好好好開心架, 即刻摟住我又走去摟daddy! 跟住咪玩到11點幾先瞓囉!