24/10/17

24/10/17   TUE   COOL

今日要入廠拍嘢, 其實都係行行企企, 但真係攰到我死! 朝早已經比仲爺玩死, 我同笨元明明出咗門口, 但比佢聽到就衝咗出嚟, 開咗木門大喊, 結果我又要跑番入屋即刻抱起佢衝返去lift, 幾唔好意思呀要人地等, 仲要冇著鞋要全程抱住佢! 返到公司做自己嘢, 但原來10點老細就嚟接我地入廠, 搞到咩都未做得切就要入去囉! 其實去到都係行行企企, 但咁都已經好攰囉! 1點到去酒樓食飯, 以為男子多食得哂, 點知都係叫得太多呢! 返去再繼續拍啦, 拍到差不多5點都拍完, 本來好地地係咪, 點知就係總監帶咗甚麼生產力促進局D人嚟睇廠, 人地完佢又完, 又捉住老細一齊聽, 咁我地都冇得走啦, 局坐喺到聽咗一個鐘, 走嗰時仲要唔多想停美孚站, 咁我梗係一副可憐樣啦, 總監仲衰, 自己D客又唔帶走又話趕住出去開會, 真係好核突! 好在最終都停美孚站, 經理都快手跳車, 因為下一站已經係藍田! 我就call咗老公先出嚟接我, 再返入青衣揍仲爺同嫲嫲, 跟住再去接子元, 喺長沙灣食埋飯先返屋企, 返到去又要做功課, 好在今日都唔多嘢, 快手K.O.咗佢地沖埋涼睇劇!