27/10/17

27/10/17   FRI   WARM

今日要過商會開會, 朝早揍咗笨元校車就搞掂仲爺出門口啦, 食埋個早餐入學校都遲遲地啦, 返到公司快手整好D嘢, 都開一開會先閃人, 過去約咗Nicho佢地食lunch嘛, 今次試新嘢喎, 都行得遠, 不過之後又可以shopping吓零食咁都幾開心! 返上去都冇咩要寫, 所以都係打吓機HEA吓, 等夠鐘齊人開會, 其實開到3點幾GE啫, 但老細又係到我又唔走得, 之後仲要因為避佢, 要深哥同我配合扮仲有嘢做, 等佢地閃咗我先行人! 因為今日放咗子元喺鄰居到咋, 唔可以太遲返去! 本來諗住返去慢慢執吓屋, 點知老公話佢又早放, 所以佢同我差不多時間返到嚟, 冇咩做到就出去, 因為今日係諗住出吓街, 去咗荃灣間IKEA睇吓, 本來想去嗰到食, 但實在太多人, 唯有轉去愉景新城食咗嘢先, 再去行囉, 不過都麻麻地好行, 因為不是順住路行而是有回頭路, 我主要買咗我要買GE嘢, 睇完就回程了! 都已經好夜, 返去快手搞掂沖涼瞓覺!