20/10/17

20/10/17   FRI   WARM

今朝私apps咗班主任有關子元琴日喺學校單嘢, 咁個衰仔又真係幾好運, 班主任又好又明事理, 佢會去了解件事再覆我! 今日照樣返工呀開會呀, 做吓自己嘢啦! 午飯後都係睇電視, 老細返咗嚟又係到吹水咁好嘈! 下午係開咗陣會關於100週年, 其實都冇咩好跟架啦, 你地要請人請到咁鬼多冇意思架喎, 好在只係開咗一陣, 我又自由啦! 放工去超市買埋嘢先返屋企, 喺lift口仲見到阿媽剛揍子元去小童呢, 返去執咗一陣嘢老公就叫我落樓接仲仲, 佢今日同同事出去食飯喎! 咁揍咗仲爺返上樓再整定晚餐的材料後就出去小童接子元, 痴程生車返去又行少D! 返去整好粉比佢地食, 估唔到仲爺又食得幾好喎, 食完沖埋涼就同仲爺做2樣功課先, K.O.哂佢地沖涼摺衫等, 老公send msg話今晚玩到3點, 係嬲嬲地架但冇咩可以做, 咪喺watsapps到鬧一餐佢算囉, hea到1點到我都瞓啦!