14/10/17

14/10/17   SAT   WARM 3號風球

今日係結婚11周年啦, 時間真係過得快! 不過我地都冇咩好特別的慶祝, 正所謂盡在不言中就可以了, 而且今日都好忙碌! 朝早揍咗子元去學英文就返工, 都係做吓自己嘢, 準備放工就馬上入青衣, 仲爺家長日嘛, 你話好多嘢要講咩其實又唔係, 因為要溝通平日其實都溝通到! 等到1:30才有得見, 子元就去咗買麥記食, 等佢嚟到同老師吹吓水, 照顧住仲爺, 我地就入去見, 都差不多1:50先完成, 快閃揍子元去田徑, 唔算遲好多, 佢有佢跑我地有我地去MEGA BOX, 要去IKEA攞嘢, 仲有食個lunch啦, 比仲爺玩一次車仔就快閃, 4點前又要去番運動場接笨元, 去食D嘢又游水啦, 仲爺喺車瞓咗, 揍咗笨元去泳池我地就過AEON, 仲仲呢個時候就醒啦, 咁可以去睇玩具, 陪佢睇咗一輪, 係時候落去超市買今晚D材料, 食吓牛扒加沙律咁啦, 因為子元7點游完水8點又去捉棋, 所以只可以快食, 我帶埋仲仲去揍子元, 老公返去煮住嘢先, 返去快食咗個結婚周年快餐, 又揍子元去捉圍棋, 期間我地就喺長沙灣hea囉, 9點去揍番佢就回家, 快手沖涼佢地要睇Ironman喎, 其實都睇咗N次啦, 都仲係咁迷! 趕住仲爺去瞓我都自由啦, 叫笨元邊摺衫邊睇, 係時候要幫輕吓我做家務啦嘛!