23/10/17

23/10/17  MON   COOL*

今朝都係咁返工返學啦, 不過仲爺返學遲咗好多, 兩個都叫唔郁起身! 返到公司都係做吓嘢開吓會咁啦, 午飯時都係睇吓電視啦, 點知老細返咗嚟, 係咁講廢話, 所以借D二逃走, 順手打個電話通風報訊, 因為老細白痴到, 想叫一個商會的秘書去幫手自己公司的100周年晚宴, 真係聽都覺得白痴囉, 即係話比人知, 我公司冇人用或D人冇用囉! 下午都係做吓自己嘢啦, 放工即去接笨元, 完全諗唔掂煮咩餸, 所以都喺惠康買咗好耐, 返得屋企都6點幾, 煮咗一陣老公又打嚟話落去幫手搬嘢, 咁返上嚟再煮得飯食都7點幾8點, 好在佢地都合作, 而家識執碗洗碗, 我就可以吸塵抺地, 老公終於都開始生性! 搞掂哂就做功課啦, K.O.哂兩個都要10點呢! 我想睇主君都有D難度!