17/10/17

17/10/17   TUE   WARM**

仲爺又同我一樣咁早起身, 佢仲要話見到daddy個電話跌咗好驚走返入房, 其實係老公放咗喺地叉電啫! 揍哂返學就返工啦, 返去都係做吓公事做吓私事咁啦, 又唔洗開會咁最自由自在, 午飯時間梗係睇吓電視打吓機啦, 下午做吓嘢咁啦, 老細返咗嚟, 佢有佢地高層開會, 我有我地自由, 放工就去買餸接笨元, 諗咗一大輪整咩都冇用, 去到見到有咩就整咩好過! 揍咗笨元返去就煮飯啦, 煮番一個月飯, 已經掌握好D時間, 好多嘢都順暢番好多, 係仲爺食飯合作最唔舒囉! 8點幾叫做開始可以同佢地做功課, 仲爺今日的功課都算OK, 對埋子元的都係9點幾, 可以沖涼啦, 老公同仲仲練歌, 月尾學校有活動係表演, 老公話仲爺未必做得到, 叫佢唱分幾鐘佢都企唔定, 我話學校表演啫又唔係公開, 真係唔怕喎, 咪由佢試吓要點正經囉! 沖完涼就摺衫睇電視, 12點多就瞓!