31/10/17

31/10/17   TUE   COOL

今日涼咗好多呀, 所以子元要加多兩件外套, 仲爺換埋冬季添, 揍哂佢地返學就買少少早餐返工啦, 今日唔洗開會咁, 自由自在! 午飯後去埋銀行入埋錢又睇吓電視咁啦! 下午老細真係冇返啦, 佢要過海開會嘛, 所以又好自由, 大家喺睇吓衫, free到不得了! 放工返去接笨元就返去煮飯, 老公要踢波所以快手D煮好食, 佢兩父子一個又要咸蛋蒸肉餅, 一個又要梅菜蒸, 好在而家有蒸焗爐可以同步蒸到! 食完飯執埋碗老公就閃, 嗰兩隻嘢梗係唔合作架, 總之都係要出武器啦! 仲爺今日寫字有進步喎, 肯自己寫唔洗我陪, 刷佢又冇嘈, 笨元就叫咗佢自己溫吓中文小考的生字, 我都係搵吓卷比佢明天去婆婆到做架咋! 9點幾比佢地玩咗陣就瞓覺, 連笨元都咁早瞓, 佢應該真係好眼瞓囉! 我就睇陣電視沖涼, 老公10點幾都買埋糖水返嚟, 我衫都未摺好呢! 12點幾我頂唔住瞓先, 老公要打埋機先瞓呢!