1/11/17

1/11/17   WED   COOL*

今朝仲爺冇落樓, 輕鬆好多呢, 快手搞掂出門口, 因為約左人交收交隊衫, 8:30前返到去排隊! 返到公司都係等吓開會咁啦, 跟住都係做吓自己嘢, 午飯快食完出去shopping, 好在閃咗咋, 老細未夠點半就返咗嚟, 我地出去嗰吓佢就返, 完全避咗佢, 去咗759買零食呢! 午飯避得到, 下午就避唔到, 佢係咁過嚟講嘢, 煩到死! 放工閃人買餸返去揍笨元, 今晚簡單D整有味飯咋, 我自己就食意粉! 食完飯就沖涼, 要幫子元對番今日做的卷, 咁仲爺的功課就叫老公跟, 點知仲爺趕咗daddy出嚟話要自己做, 今日寫個「石」字, 雖然係寫得醜樣但筆畫都啱, 到做數時佢又真係唔洗教自己睇咗明喎, 真係估佢唔到! 笨元做卷都係錯唔小心啦, 提就提咗佢啦, 明天開考都係要靠佢自己!