6/11/17

6/11/17   MON   WARM

今朝仲爺又一齊落樓啦, 都係咁返工返學, 買個包返去食, 跟住又開會囉! 終於有時間做吓自己嘢, 午飯去咗買飯團同麥樂雞, 因為兩樣都想食! 安樂食完餐飯, 下午就要聽廢話啦, 因為老細返咗嚟就要開拍廣告嗰D會, 佢真係好好好多廢話, 講到差不多4點終於可以行人落去鋪頭睇拍攝的位置, 見個同事攞埋袋喎, 我都係攞埋一份, 咁搞掂就可以閃嘛, 咁啱老公出九龍做嘢又可以早走, 結果齊齊早走, 先去接咗笨元, 再揍仲仲, 跟住去咗大家樂食燒雞同火鍋, 食完都係7點幾, 返去沖好涼仲爺做好功課都係8點幾, 佢可以玩吓玩具, 等我沖埋涼就同子元對數學, 錯無謂嘢預咗, 亦有諗唔通題目等等, 不過都係要睇佢聽日發揮, 所以早D做完早D要佢瞓! 摺埋衫睇埋電視就瞓啦!