17/11/17

17/11/17   FRI   WARM

今日照樣happy Friday出去食早餐啦, 揍埋仲爺返學就返工, 朝早都係開吓會做吓自己嘢先, 午飯去蒸飯時喺走廊撞到同層日本仔嗰邊的男子, 佢成日話約我地食午飯, 但因為我地都帶飯真係少出去食, 咁佢就問我攞電話, 我又冇咩所謂照比佢, 點知咁啱撞正老細返嚟喎, 阿男子就同老細講話:「抄緊你同事牌呀」,老細問做咩抄佢牌呀, 男子答因為靚女囉! 我心諗你真係好口呀, 咁鬼有禮貌GE, 不過有人咁讚吓又真係開心GE! 午飯後都係hea 吓啦, 下午都係做吓嘢咁等放工囉, 直接返屋企, 阿媽會搞掂笨元, 喺圖書館找GE書FOR下星期返康傑講故事, 老公又過到嚟, 咁借完就諗住去AEON買明天旅行日的食物, 點知想買的AEON都冇, 於是就去番惠康買! 接番子元, 送埋敏瑩返屋企就去接仲爺同嫲嫲去晚飯, 本來想試青衣城間新嘢, 但真係唔多啱食, 所以都係去咗食泰國嘢就算, 食完都9點多, 又要返屋企啦, 我仲要執明天旅行D嘢呢!