7/11/17

7/11/17   TUE   WARM*

仲爺又係出門口先嚟起身, 咪著住睡衣落去囉, 今日同樣揍校車的工人姐姐同我地講開, 主人要佢用手洗小朋友衫, 但小朋友都同子元咁大, 仲要手洗梗係腰痛啦! 琴晚睇另一個谷講對工人要點做嗰D, 可能我地真係冇用過, 唔知D工人點難搞, 所以覺得有時都幾唔合理好唔人道咁! 今日仲爺返學都遲呀, 兩父子成日都慢吞吞! 不過近來覺得學校冇以前咁有愛咁, 係真係變咗定因為仲爺GE問題呢! 返到公司今日好自由, 因為老細同D高層返咗大陸, 一定見佢地唔到呢! 午飯後睇吓電視咁, 再晏D大老闆娘返咗, 所以都有D嘢做, 同埋老細又開始加100周年嗰D人啦, 都話咗佢係會沒完沒了架啦! 難得地可以食埋個TEA就放工啦, 返去揍咗笨元就回家, 老公幫佢約咗同學仔食完飯上嚟玩, 所以快手食完飯收拾好就比佢地玩, 但仲爺因為未做功課, 所以要佢做埋先佢就喺到大喊, 好淒涼咁囉! 好快做完咪又玩得囉, 喊咩呢! 不過佢地真係好嘈, 玩陀螺又嘈, 玩NERF更嘈, 真係攞命! 玩到9點幾要散啦, 沖好涼瞓覺, 我都冇佢地咁好氣快D沖涼, 跟住摺衫睇電視瞓覺!