22/11/17

22/11/17   WED   COOL*

今日仲爺一早起咗身, 啱哂啦做埋D功課, 送埋哥哥落去食埋早餐就返學! 返到公司都係開吓會咁啦, 跟住都係做公事, 今朝唔知做咩鬼好忙, 午飯返咗阿媽到幫佢淋花, 順手買個飯盒返上樓食就算, 仲可以睇吓電視添, 好在D花都冇咩事, 唔係都唔知點解釋! 下午都忙咗一排架, 老細喺到呀嘛, 有時真係好唔想同佢溝通, 因為佢真係好低智, 講極都唔明, 成日以為自己諗就OK, 但好多嘢唔係你想就得架嘛, 都白痴GE! 放工過去接咗子元就直接回家, 因為嫲嫲話出去食, 咁老公就想去青衣城同佢地睇tomica, 所以我同子元返去換咗衫就出去, 本來諗住食元氣架, 但等極都冇位, 轉咗場去食Mr Steak, 有半自助餐, 為起$250一個人都抵, 仲爺唔計啦, 食食吓又瞓咗, 有杯白酒襯吓, 真係好滿足! 然後就到兩個細滿足啦, 去咗睇tomica, 仲爺買咗個路面場景三架車, 子元又玩咗VR渣車, 8點幾要走啦, 返去快手沖好涼睇降魔的, 今集都好感人呀! 睇埋傳說的魔女就瞓啦!