5/11/17

5/11/17   SUN   WARM

今日係要溫常識, 好在我兩星期前開始已經溫, 阿媽又日日幫佢溫, 否則係處理唔掂囉咁多同深! 朝早去畫班, 食完早餐我地去咗AEON買吸味劑, 廚櫃入面仲係好大味! 接番子元佢又要去打鼓, 最搞笑係佢打唔掂又喊喎, 唉…都要同佢度吓期練鼓先得! 返屋企快手溫多陣數又要出門口去踢波! 佢踢波時我地帶咗仲爺去睇玩具, 其實佢成日淨係陪哥哥出出入入都好悶, 所以有時間都要比佢玩吓! 夠鐘接番哥哥返去就溫書, 又要沖涼食D嘢, 3點幾先開始溫, 老公又話5點要出門口去踢波, 仲爺又話要跟埋去, 咁點呢! 最終餘下練習部份帶去球場做啦, 佢係唔識寫D字啫, 內容佢OK GE! 喺車程上瞓咗, 咁去到比佢瞓6點幾就叫醒佢起身做, 等仲爺都醒埋就入球場做, 仲仲就喺球場搞事囉, 又要睇住佢又要同子元做練習, 真係分身乏術! 踢完就去食晚餐, 梗係食嗰間牛雜鋪啦, 好好食嘛! 食完返去沖好涼, 子元仲要做埋未做好的練習, 都算OK啦真係識GE, 希望明天冇咩意外啦! 我就打埋機差不多1點先瞓!