14/11/17

14/11/17  TUE   WARM**

今日直接入廠拍嘢, 朝早如常揍仔返學, 跟住喺青衣好努力咁搵巴士撘入去屯門, 好在都找到可在轉車站的, 前後都用咗差不多1個鐘先入到去, 點知老細又話遲嚟, 拍片D人又塞車, 結果差不多11點先可以開始拍, 又要找道具等, 兩個場景拍到差不多2點先完, 終於可以食飯, 我堅係肚餓囉! 食完就拍埋老闆的鏡頭, 仲要局住扮路人甲上鏡呢! 最後要出埋鋪頭拍, 店長點都唔肯上鏡, 我當然最好都唔好啦又唔係靚, 呢D機會梗係留番比D後生女! 拍到5點其實都完, 但又要執吓嘢老細又唔肯走咁, 我幾辛苦先搵到個位閃人, 都係5:30啫唔過份! 返去買埋餸接笨元再回家, 今日食得好簡單呀, 老公9點到出咗去踢波, 我就同仲仲做功課, 不過D功課都難搞, 佢呢排又要人陪番住佢做, 但我真係好攰想沖咗涼先, 所以放棄咗冇理佢, 好在我仲有個好乖的笨元會揍細佬, 我沖完涼出去執埋手尾就可以了, 笨元亦都合作做埋自己D練習, 但唔知佢英文默書溫成點, 明天last同佢默一默啦! 10點K.O.咗仲爺, 子元就10點幾睇埋降魔的先瞓! 我就先摺好衫再執電視櫃, 個容量都幾大喎, 仲有排放!