18/11/17

18/11/17   SAT   WARM

仲爺學校旅行日, 8:30就要集合, 7點多就要起身, 趕佢地梳洗出門口食早餐, 8:35過到去都比蔣老師call呢! 9點開車出發, 都真係好快去到, 影完大合照可以自由活動, 仲爺其實好想同D同學仔一齊玩, 但一來我地又唔太熟, 二來其實大家都好四散, 所以真係未必滿足到佢GE要求, 咁啱又搵番敏瑩佢地, 於是就同番28屆一齊玩, 因為大家的阿哥家姐全部都嚟哂! 影完要交功課的動物植物後就去大草地玩, 仲爺有電話手錶, 我都放佢自己玩, 知道基地喺邊就可以! 點知玩玩吓落大雨, 大家全躲起來, 我們就逐批小朋友運番上基地, 反正閒著就食D嘢先啦, 等停咗雨又再去玩過, 玩齊哂遊戲去另一邊草地玩, 咁都真係幾開心GE! 玩到12點幾1點返去基地食嘢, 然後執吓嘢就轉場, 上去遊樂設施嗰邊, 子元而家都玩到刺激遊戲啦, 仲爺更加唔洗講啦, 喺嗰到玩到散場就上車返歸, 喺車瞓哂, 笨元返到去仲要游水, 仲爺醒哂咁梗係玩啦, 我地都好攰冇咩執嘢, 等笨元捉埋棋去AEON晚飯食COCO, 咁啱程家又去AEON買嘢, 我地就買埋禮物比婷婷囉, 食完飯就回家啦, 已經差不多10點囉!