2/11/17

2/11/17   THU   WARM

今朝仲爺一齊落樓啦, 吹吓水返得嚟都慢咗, 仲爺返得學校都遲, 但竟然比我撞到燕玲揍仔返學, 大家都知喺到讀, 但就真係冇機會遇到囉, 原來佢地係撘校車, 唔怪得之見唔到啦! 返到公司食個早餐hea吓就開始找資料, 係中學的資料, 原來有啲學校小四就收成績, 睇完我好大壓力囉, 點解要咁早定案呢, 唉…! 午飯後都係繼續睇, 我好勤力做足一日囉, 放工行去美孚街市買埋餸先返去, 因為子元今日補英文後直接返屋企, 其實喺Ms Yu到已經做咗份卷, Ms都話OK, 但我仲有卷未比佢做嘛, 咁6點幾叫佢做練習先, 食完飯沖好涼就做埋份卷啦, 到9點幾我搞掂仲爺啦, 佢話做好對好架, 結果我對答案時, 又係錯嗰D嘢, 又做冇睇End of Paper就停筆, 愈對我就愈火, 愈火就愈唔想應佢, 結果又走咗入廁所喊, 老公又嚟鬧, 又要我沖咗涼先再教, 再教我都係火, 我知….愈夜係愈冇精神…就愈會錯, 但你總係覺得佢係唔識, 唔可以放佢去瞓, 咁樣反反覆覆下就11點幾先叫做對好哂放佢去瞓, 我知大家都好攰, 但可以點呢!