8/11/17

8/11/17   WED   WARM

今朝都係如常咁揍仔返學啦, 終於可以早少少出到門口, 仲爺可以見到婷婷, 好開心呢! 買咗炒米返公司食先記得今日星期三, 好在sales都唔算好早返! 開完會都係做吓自己嘢啦, hea咗個朝早, 食完午飯睇吓電視, 下午都冇遇老細返定唔返, 總之佢唔好煩我就得, 做好嘢覆好佢地就得啦, 放工遲咗少少走, 要跑過去接笨元, 落到樓下等過馬路時就見到蘇sir喺對面, 順手問埋佢星期日比賽可唔可以帶自己對釘鞋囉, 原來係可以GE! 過到去接笨元, 佢第一時間講咗派咗中文卷….好差….全級都好差! 我第一句問係咪唔合格, 佢話合格…咁我鬆咗口氣先, 但…都係得6字頭, 真係好灰, 首先個衰仔都係做得唔好架啦, 第二, 份卷亦真係太多位個答案有D無菱兩可, 又出得唔順暢! 總之幾樣夾埋就出事啦! 你話全級一齊死都係咁話啦! 不過你掟佢落街都冇用架啦, 唯有再諗大考點追囉! 返到屋企執吓嘢等老公打嚟就落樓, 約咗嫲嫲出去食, 試咗AEON間新嘢, 食炸雞, 不過老公叫得太大碟, 局住我地要帶飯, 行埋超市細路玩埋卡機, 可以回家了! 返去沖完涼仲爺做功課, 子元做練習, 我都真係已經勁攰啦, 好想快D沖涼休息!