23/11/17

23/11/17   THU   COOL

今日老公放假粉飾仲爺間房, 但都估佢一日整唔哂, 但呢兩日請假都啱, 阿媽又唔得閒揍子元, 我又有嘢做! 朝早仲爺一齊落樓揍咗哥哥返學, 就到我地返啦, 今日係故事媽媽, 所以早D揍咗仲爺入學校, 跟住就再去快食個早餐先去講故事, 蔣老師話爸爸講兩句的話都比佢一齊入去, 咁我梗係捉埋佢一齊入去啦, 反正都泊咗車囉! 不過入去又要一齊跳舞又要介紹, 呢D係陸生最唔想做GE呢! 終於到入課室講故事, daddy真係講兩句咁大把咋喎, 頂佢唔順! 車埋我返工佢就返去整房, 我快手整吓嘢, 12點多就要出門口, 過去拍攝的地點, 今日拍代言人照呢! 我都醒架啦, 買定份三文治食咗先, 因為佢地真係好似唔諗住叫嘢食咁, 我最後再食咗四分一件公司治咋, 加杯咖啡就捱咗一個下午, 咁樣應該會瘦, 哈哈! 黎生化妝真係化好耐, 2:30先開始拍, 我估都應該會overrun, 所以都同老公講定叫佢揍仔! 拍吓拍吓老闆又一堆人咁上咗嚟, 梗係廢話一大堆啦, 好在佢都唔係stay咗好耐, 因為今晚要去飲, 佢3點幾已經閃了, 拍攝可以繼續順利進行! 拍到禮服時, 想要個吹蛋糕效果, 但key圖又做唔到, 所以都係有個真蛋糕最好, 最終決定我快腳跑落去買, 因為要趕喺佢呢個禮服look時影, 我都覺得我真係好快腳, 不過真係好攰囉! 影到5點多順利影哂, 我仲以為會overrun添! 因為今日係同事生日, 個蛋糕就啱哂啦, 叫埋視帝走之前一齊唱生日歌影相! 6點左右閃人啦, 過打鼓嗰到同老公佢地會合, 再入青衣揍仲仲, 同埋嫲嫲一齊食飯, 子元終於食到元氣啦, 快食完就閃了, 返去睇降魔的, 仲爺又要試明天套禮服呢!