15/11/17

15/11/17   WED   WARM

今日仲爺揍唔到哥哥, 不過佢遲起身又唔係好記得都冇咩扭, 出門口搬咗個舊電視櫃落去垃圾房再去食早餐, 老公話搬完嘢用力要食番個豐富早餐, 咁一齊食得早餐仲爺就要daddy揍佢入學校呢! 返到公司都有做嘢, 開吓會整吓嘢咁, 午飯後都係睇吓電視, D高層返哂廣州嘛, 真係自在好多! 下午做吓自己嘢咁, 放工去學校接笨元再去買餸囉, 找程泳攞埋月曆就回家煮飯! 唔知係咪到夜晚就攰就冇咁好耐性, 煮好飯班友仔又唔識主動幫手開飯, 食飯時仲爺又多多事實, 跟住老公又話落去踢波, 因為星期日子元有比賽, 想佢郁吓! 但我真係唔想落去啦, 一堆嘢等住我做, 就算佢話幫我洗碗, 佢咪淨係真係洗咗D碗囉, 但仲有好多後續架嘛, 算啦…你地落去等我好好做清潔對功課啦! 9點多佢地先返到嚟, 沖得涼做功課仲爺又眼瞓又喺到呆啦, 所以老公沖完涼我就放棄交比佢, 我真係頂唔順! 去沖個涼休息吓先, 不過今晚我都係好燥底, 叫子元做好音樂專題佢又矇矇吓咁, 結果佢上床瞓我都要訓一輪話囉, 因為佢而家咁GE學習方式再上高年級D真係唔夠頂架, 要係咁提住佢睇多D書睇多D字寫多D寫長D句子囉!