21/11/17

21/11/17   TUE   COOL

今朝仲爺學校出去參觀, 所以直接去樓下迴旋處集合, 話8:45但等到8:55旅遊車都未到, 我唯有將仲仲交比其他家長啦, 之後問番原來等到9:05先上車呀, 好在冇等啫! 返到公司都係做吓嘢啦, 呢排真係多咗嘢做, 近年尾就係咁! 午飯後都係睇吓電視啦, 幾悶吓架! 下午繼續做吓公事啦, 諗住買飛睇雷神時, 發現原來我琴日睇錯時間, 5:55原來係做正義聯盟, 咁都冇辦法都要照睇架啦, 睇吓星期日雷神落咗畫未囉! 我放工前老公先接咗子元, 再嚟接我, 跟住就直奔青衣, 我先去買飛, 佢地泊好車再來找我, 還要幫子元即刻買件衫替換, 佢踢完波又唔帶衫換! 趕得切開場前入到去, 可能冇咩期望所以反而覺得幾好睇喎, 睇完8點啦, 快手去食個米線又要接番仲仲, 點知喺車兩個瞓哂, 仲爺又未做功課, 笨元又未溫熟中默, 又要睇降魔的喎, 最終仲爺明天起身先做功課啦, 子元就襯廣告時間再睇熟D囉, 默書係佢GE佢自己承擔! 老公11點就瞓咗, 我咪自己慢慢摺衫睇電視囉, 12點幾先瞓!