12/11/17

12/11/17   SUN   RAIN

今日本以為放下子元朝8晚6比蘇sir就算, 點知又出了狀況! 7點多起身快手叫醒佢兩父子, 快手出門口, 因為8點要到運動場集合, 子元話說要參加田徑比賽, 咁我就喺屋企hea多陣等仲爺起身先算啦, 出門口快食個早餐就去運動場睇我隻笨啦, 佢參加擲softball, 因為好遠其實都好難睇得清楚, 但點都望到佢點掟, 不過不失啦, 我都未見佢玩呢個項目! 10點多見佢終於行番過看台, 即刻去望吓啦, 佢話入唔到決賽, 擲到11米幾, 都唔錯啦但佢始終都失望, 要學習點面對失敗架啦! 之前子元講仲有100米要跑, 但我問佢時佢比個號碼布我睇, 只有一項, 真係唔知係講嗰個講錯定聽嗰個聽錯啦! 問咗蘇sir可唔可以走, 因為本身中午區隊要練波, 喺到坐的話根本係浪費時間! 返到屋企做好仲爺D功課都做咗個幾鐘, 子元又要出去踢波啦, 叫老公自己揍佢過去先返嚟接我, 以為我地食嘢先架嘛, 但又唔係喎, 咁我喺球場等咩呢又落雨, 最終叫佢車我地返屋企, 我仲有幾籮衫要摺! 等笨元踢完波來接我地, 本來想去深水涉食豬潤米, 點知泊唔到位又有抄牌, 轉場去咗石硤尾食車仔麵囉, 跟住去咗老遠的popcorn, 想睇吓嗰間夾公仔嘢, 點知得個人多, 周圍行咗陣就去食嘢, 麻布茶房D SET都幾啱食, 咁食完想去做泊車時, 竟然話呢間食肆唔包, 因為屬於酒店管理範圍, 頂! 都係嗰個商場但你話唔包, 點呀!!! 爆佢佢都係唔理, 比咗個電話話係管理公司喎, 怕過鐘就出咗車先, 諗住打去話佢時, 個電話竟然係冇登記!! 仲火!! 出咗車老公都過番去鬧爆佢, 原來再鬧吓係可以做番優惠架, 但我地都出咗車啦, 激死!