11/11/17

11/11/17   SAT   WARM

今日都真係夠哂忙, 朝早揍咗子元去英文, 跟住就快食個早餐, 然後去運動場, 約咗我們的元老組田徑人, 參加舊生接力跑, 真係臨時組隊呢, 返得嚟若有得玩吓都好GE! 老公揍咗我來又要去接笨元去畫室, 所以得我同仲爺, 咁多姐姐喺到, 仲爺就變怕羞仔, 基本上係痴住我唔放, 除咗周圍爬上爬落時啦! 等小柏兆洳嚟埋就一齊吹吓水, 叫咗召集時老公亦到咗, 佢同小柏老公有個盤可以一齊揍仔, 我地就去跑道預備吓啦, 所謂熱過吓身啦, 不過好耐冇跑過彎路, 原來同衝直路係唔同, 我都叫做跑得不過不失呢, 跑第3線呢D內檔位都追過咗第4,5線架啦, 只係男女混合戰我地全女加上年紀大嘛…實輸架啦, 不過跑到1’07算係咁啦! 等到完哂場老公揍埋子元放畫班就嚟接番我地, 直接過斧山運動場, 到子元練田徑啦, 簡單買咗個河粉佢兩個食, 跟住我地就去MEGA BOX, 喺IKEA快食完再買咗個架放待洗衣服同回收物等等, 為起都係$200多, 本身想淘嗰個櫃+回收筒都唔止呢個價, 位置上又FIT, 真係冇得頂! 接番子元因為今日請咗假唔游水, 所以直接返屋企, 我勁頭痛…食咗藥去瞓, 仲爺亦瞓咗, 黃昏時實惠終於送咗個電視櫃來, 安裝聲都嘈醒咗我, 但我都唔願郁! 到7點多佢地搞掂就起身, 係時候出吓街, 老公要去葵芳踢波, 咁就去咗葵芳食, 然後又唔想返屋企喎, 等老公踢完要10點半, 於是我地3個就行葵廣同新都會, 真係可以行到個幾鐘, 我仲買到嘢添呢! 我自己就買D女人嘢啦, 老公就買咗個“馬騮架”擺設比佢, 可以用嚟放筆添架! 10點多行返過去球場等, Barry都喺到, 一齊去咗麥記宵夜埋先返屋企! 由於瞓咗晏覺, 今晚完全唔眼瞓, 到終於瞓得入眼時仲爺大喊…但我完全唔想郁身呀, 諗住咁上吓佢會停, 到真係停咗時又聽到個廳有怪聲, 原來佢走咗出廳開電視, 唯有捉番佢入房, 又係到抽嚥咁好慘, 我都幫唔到佢D咩, 唯有叫佢快D瞓!