19/10/17

19/10/17   THU   WARM

朝早都係如常揍佢地返學啦, 仲爺又起唔切身送哥哥校車又係到嘈, 好煩! 返到公司食個早餐啦, 跟住都係做吓自己嘢, 午飯時食得飽飽呢, 下午都係好自在, 因為老細冇返嚟, 點知放工返去揍笨元時老細打嚟, 又要處理一輪個人都有D心煩架啦! 等巴士時發現有問題, 馬上轉撘另一架但要行返去囉, 咁都冇咩GE, 只係個人有D攰咁! 返到去都未開始煮飯老公就打嚟叫幫手落去攞嘢, 叫埋子元落去一齊幫手囉, 點知落到樓收到Ms Mak電話, 話子元音樂堂時因為同幾個同學唔合作, 叫咗佢地出去攞手冊嚟抄家長電話, 話今晚會打比家長, 跟住就話子元排隊出課室時, 因發洩推前面同學, 跟住就撞到埋牆, 雖然冇話好嚴重, 但推人始終都係唔啱! 我聽完個電話, 梗係質問佢架啦, 心情亦都其差, 老公泊完車返上嚟, 叫佢去了解件事, 子元喊哂咁好委屈, 因為佢話係前面同學先推撞佢, 跟住佢還手, 講到尾還手係唔啱, 但Ms Mak誤會咗佢因為要打比家長件事而發洩囉, 佢條友點會因為要打比家長而發脾氣, 人地挑釁佢還拖就好大機會囉! 咁我覺得唔係單向事件就要講明, 雖然你話口同鼻嘈, 但我一定先發制人! 因為呢件事我成晚心情都好差, 係擔心多囉, 陣間又要見家長咁點! 加埋子元上堂成日比徐子康搔擾, 佢點投訴都冇人理, 所以呢個都係一個要處理GE問題呢! 又攰又要做功課對功課, 實在係好折磨, 10點幾我先可以去沖涼, 趕得切睇住電視摺衫呢! 12點多就瞓啦!