13/10/17

13/10/17   FRI   WARM

今朝涼咗好多, 終於開始有秋天的感覺! 揍咗佢地返學就去食早餐, 不過同老公講番我同陳副校講咗關於唔想嫲嫲幫手做功課單嘢, 陳副校幫我做咗無間道, chok咗仲爺喺嫲嫲到做時唔係自己親手寫, 呢個咪就係我唔願見到GE況囉, 老公只係concern嫲嫲揍住咁多個鐘時仲爺無所事事, 咁我咪print番D工作紙比仲爺做囉, 總之功課留番比我搞啦! 返到公司都係開陣會又做吓自己嘢啦, 午飯都係睇吓電視, 老細不在香港唔好話我地, 嗰邊嗰兩個愛將都hea好多! 下午都係做吓自己嘢等收工啦, 係大老闆娘返過嚟攞嘢落去比佢簽啫! 放工去接笨元等程生車我地過小童合唱團, 然後就要自己行返屋企, 因為老公車咗嫲嫲同仲爺出嚟, 嫲嫲話裝修完咁耐都未上過嚟睇, 咁hea 到夠鐘就去晚飯, 難得同程生晚飯, 都好耐未試過一齊食飯! 不過之前要先買麥當勞過去比敏瑩食, 佢8點又有得上堂! 去咗香港地食, 仲爺有嫲嫲喺到例牌玩嘢多多事實! 食完老公送嫲嫲返去再去踢波, 我食完係返屋企啫, 程家未夠鐘揍敏瑩, 就上嚟睇吓新屋, 裝修後都未上過嚟! 9點幾佢地閃咗就叫兩隻嘢沖涼瞓覺, 我沖完涼邊睇電視邊摺埋衫, 老公差不多12點先返到嚟, 有買埋糖水GE!