9/10/17

9/10/17   MON   HOT

今日開咗一日會, 真係好攰! 朝早就照樣叫佢地起身返工返學啦, 仲要整餐盒比笨元! 因為冇哂奶食脆片, 所以買早餐返公司食, 仲爺就食麵包! 揍咗佢返學老公車埋我返工, 佢話有D唔舒服要去睇醫生, 咁就sick leave囉! 返去等佢地D高層開完D重要會議, 就到我地開100週年囉, 局佢地決定多D嘢啦, 開到差不多午飯時間, 佢地就出去食飯囉, 我地又可以靜靜睇吓電視, 諗住下午佢地唔會返啦, 點知又要開…唉, 真係好攰! 終於放工啦, 直接返屋企, 因為老公去接咗笨元, 又因為今日要出去睇D嘢, 所以唔煮飯啦, 直接入青衣接埋嫲嫲同仲爺, 去咗荃灣諗住同笨元配番釘鞋的釘但又冇喎! 於是去食泰國嘢先, 食食吓仲爺瞓咗, 抱佢返上車都抱到我手軟, 老公同嫲嫲去青衣城搞掂埋張電話卡就回家, 仲爺繼續瞓, 我地沖好涼就捉笨元搞掂埋D功課, 我真係好眼瞓, 但都仲要對功課溫默書, 真係好慘! 小睡咗一陣再摺埋D衫, 12點多就瞓!