11/6/14

11/6/14+   WED   HOT

今日都係程生車我地返學校, 仲有車埋柏仲去嫲嫲到添! 返到學校已開門, 不過之後大家吹水吹找學校D嘢, 有個九真打嚟話有位但要一次過交哂學費校服書簿錢8千幾蚊喎, 唔係幾百蚊留位費喎, 真係好難決擇, 吹完一輪所以9點先走, 不得不撘順風車! 買埋早餐返公司, 朝早都係hea架啦, 午飯後都廢事留喺嗰邊, 因為怕老細返到嚟係咁講嘢煩住哂! 下午全世界返嚟嚟, 仲要開會仲要有我份要抄嘢, 最慘係4:40先嚟開, 阻人放工真係好冇品, 6點先走得呀! 遲走撘車真係好麻煩又塞車, 返到去笨元仲睇緊機, 叫佢收機佢唔聽, 要我出動到一係即刻收機, 一係以後都唔可以再睇, 點知佢答我兩樣都唔得! 我覺得我都算冷靜, 等咗一陣, 都係先要佢收咗機先, 佢死死地氣收咗先, 開始喊我都冇理佢住, 叫佢冷靜咗先再同佢講, 解釋佢知唔可以玩咁耐機, 最終佢都要一D時間先諗通, 落地下同仲仲玩囉, 食完飯撘的士回家因太夜啦, 沖完涼就要笨元溫書等, 佢話溫好咪同佢默囉, 到默錯唔識話番比佢知, 佢GE態度係好差, 係咁話冇錯, 因為錯咗就要寫番幾次架嘛, 冇法啦我火起撕咗佢張默書紙, 佢梗係即喊啦, 最終我都貼番張紙, 亦問番佢點解唔認寫錯, 原因係因為佢知錯要再寫又唔想寫所以唔認錯, 唉…最終咪又係要寫, 扭咩呢! 搞掂就瞓覺啦, 我地都早早瞓啦!

<食餅~>

 <你有你食我有我食!>

 <交流中!>