23/6/14

23/6/14   MON   HOT

今朝要同笨元增值八通, 所以要行出去撘巴士, 趕到呢! 好在跑得切去咋, 但上到車竟然冇冷氣咁, 已經熱架啦仲要咁焗住, 笨元即刻打噴嚏, 我都好辛苦, 落到車仲涼爽呀! 終於返到學校啦, 熱到濕哂! 揍咗佢入去學校喺門口再吹咗陣水就返工啦, 返去嗰程都熱架啦, 但起碼架巴士都涼先呀! 買埋早餐返到去, 朝早都係做吓自己嘢啦, 午飯後睇吓電視, 但老細返咗嚟嘈住哂, 靜悄悄地閃了返自己嗰邊就算, 好在佢都唔係留好耐就走人, 咁下午都安寧! 放工即閃去鑽石山, 因為老公book咗喺荷李活廣場個圓形足球場去玩, 佢地一早已經過咗去架啦, 不過我就要去簽場咁解, 去到仲要做跑腿, 又要買吓水, 仲要餵柏仲食奶, 好在奶奶都去咋, 可以睇住D嘢同豬仲先, 咁踢到6:50要交場, 收拾好就去食嘢, 同埋阿健一齊食, 去咗酒樓食咋, 柏仲就食咗D蛋黃啦, 之後都開始扭瞓! 比笨元去玩埋食錢樂園就閃啦, 要撘地鐵返去都幾遠水路, 返到去第一時間沖涼同洗衫, 子元陪柏仲玩到十點多就去瞓, 我餵埋柏仲後終於可以自由吓, 11點幾老公話眼瞓, 波都冇睇就去瞓啦!

<新壁報, 子元個人仔企最前!>

 <我的足球寶寶!>

 <兩父子同場踢!>

 <柏仲啦啦隊!>