18/6/14

18/6/14   WED   HOT

今朝繼續有私家校車入青衣, 先揍柏仲去嫲嫲到再返學校, 跟住再返工啦, 買埋早餐返到去, 都係做吓自己嘢咁啦, 又喺apps同家寶吹吓水, 吹吹吓約咗明天上佢到食午飯, 睇吓阿B又睇吓佢啦! 午飯後老細好快就返咗嚟, 係咁嘈住哂啦, 跟住好早SALES都返咗嚟, 都好GE早D開會唔洗遲收工, 嘢就講咗好多, 但廢話都好多, 推卸責任的說話更多! 開完全快手做埋個會議記錄, 食埋tea就放工啦, 直接去青衣城因為今日冇水嫲嫲唔煮飯, 去咗板長食, 但板長真係愈來愈唔好食, 我仲要捉住隻好搞家的柏仲, 比佢坐咗上枱就開始麻煩啦, 好地地坐吓唔得架, 隻手一定要周圍搞, 冇嘢搞時就發脾氣, 真係好可惡! 都唔知自己食咗D咩啦, 走嗰時叫子元收機唔肯收, 講咗之後都唔比玩, 因為唔識節制嘛, 於是之後咪黑我面囉, 基本上佢唔止呢樣架, 已經比daddy話完架啦, 對手搞唔停嘛, 返到美孚去759買嘢時又搞, 都係要比人打又再自己發炆先安樂! 返到屋企撘lift時就係到打瞌睡, 企又企唔穩咁, 總之佢今晚做所有嘢都係惹人鬧佢架啦! 終於返到屋企, 真係要馬上沖涼, 個人熱就更炆! 沖完隻大就沖隻細, 因為豬仲唔知幾時疴咗屎, 一定要沖涼啦! 之後就睇笨元功課後再默埋書就可以自由啦, 9點幾餵完柏仲佢又唔肯瞓喎, 噯佢反而唔得, 就放佢喺床再睇住佢先, 等佢瞓咗八成先出番去! 瞓到11點多時突然大喊, 係發惡夢啦, 喊到好慘咁, 交咗比daddy噯! 我11點幾就瞓啦, 冇陪老公睇波呢!

<面冇表情因比我鬧完!>

<三個都唔係好似啫!>