16/6/14

16/6/14   MON   HOT

今日真係超熱超焗, 好在有程生順風車入去咋, 唔係仲熱! 先揍咗柏仲比嫲嫲先再去學校, 都等咗一陣先開門, 最熱嗰時, 風都冇滴! 跟住又坐番順風車返工, 本來都好早, 但等lift都等死你, 3架serve18層, 但高層就2架serve9層, 點諗都唔make sense啦嘛! 朝早都係做吓自己嘢, 午飯本來想去曬埋相柏仲的證件相, 但實在太多人, 廢事排啦都係放工先去曬! 下午老細返咗嚟, 好在要幫佢地去郵局寄嘢, 唔洗見到佢咁耐啫! 之後都係上吓網咁啦, 放工老公順路過嚟接埋我放工返青衣, 返到去先搞掂隻笨先, 同佢做工作紙時口黑面黑咁嘛, 咪又係要比我教訓, 我地食飯時放咗豬仲喺地墊, 已經喺佢後面放咗枕頭, 但條友向側邊跌, 落咗地, 即刻大喊囉, 好在抱一陣都冇事, 咪放番佢瞓喺到算囉! 之後抱佢上嚟食吓飯啦, 幾叻仔呀可似直接食飯啦, 真係要正式比一餐大碗D佢食啦! 8點多先走人, 撘的士返去後快手沖好涼, 要笨元做好哂嘢先可以玩一陣, 豬仲都要食奶瞓覺啦, 我地都瞓番一陣睇波, 可惜葡萄牙又比德國佬搞到半場已輸3粒仲要打少個, 提早收工瞓覺!