15/6/14

15/6/14   SUN   HOT**

今朝10點半先學畫班, 唔洗咁早起身, 拖到8點半已經搬咗隻仲上大床, 我就起身梳洗沖涼, 餵咗佢先再叫老公起身, 咁上吓時間就出門口, 仲要係執齊行裝嗰隻, 因為想學完畫班就出街, 帶埋車仔出去啦! 先陪佢地喺麥記食咗, 揍咗佢地上去我地大人就去茶記食, 柏仲瞓咗所以食得好輕鬆! 食完都係十一點幾, 就返上阿媽到等夠鐘先再去接笨元, 然後直接撘6號去尖咀, 柏仲都OK, 坐到去佐敦先嘈, 去到海運首先餵咗柏仲食奶先, 海運個Baby Room好靚, 但反斗城裝修緊, D嘢都好亂冇咩好睇, 等笨元睇夠就去食午飯, 搵埋大包去大家樂嗰邊食, 因為嗰到先有位! 柏仲好叻仔, 見我地食飯又要食埋一份, 咪比D佢食吓囉, 食完去埋city super買嘢返去食, 買咗1打生蠔, 超正! 回家後即刻沖涼, 太熱了! 跟住又到柏仲食粥仔, 冰粒粥的發明真係超方便, 我又唔覺得唔新鮮唔好, 開糊仔嗰D咪又係咁, 我地呢D weekend 媽媽唔通個個星期煲咩, 仲要佢而家食咁少! 今日同樣食咗3粒再補奶, 喺我地晚飯時就瞓覺, 等我地食完抖夠先起身, 然後就陪佢玩吓又陪笨元玩吓, 9點多時老公搞掂柏仲我就搞掂笨元, 我就喺梳化瞓到12點老公叫醒我餵奶, 睇埋場波先瞓!

<偷偷走入婆婆屋企先!>

 <咁快識坐巴士的人仔!>

 <狂食車仔...小吉咩!>

 <放電中!>

 <世界杯裝飾!>

 <同隻吉祥物差不多!>

 <我的大, 中, 細仔!>

 <CHOK爆!>