22/6/14

22/6/14   SUN   HOT

今日本來諗住冇咩地方去, 點知就出咗去兩次啦, 8點幾比柏仲嘈醒, 起身梳洗餵奶後就出去食早餐, 因為都好多嘢要買, 買完幾經辛苦咁抬咗返去, 收拾完一輪諗住可以休息吓, 柏仲又已經瞓醒, 老公話要同子元買對草boot, 本來話佢兩個出去就算, 但又冇買到午餐D嘢, 於是諗住出去買完食埋lunch返嚟睇running men, 帶定餐奶比柏仲, 由於出旺角嗰頭, 一定唔可以用車仔, 咁就老公揹佢啦, 撘6號出去都好方便! 點知太子嗰間冇童裝, 於是上咗新世紀, 完全裝修過, 唔係好識行, 不過都找到運動樓層, 好快就找到因為款唔多, 試啱碼就買, 折咗唔洗200蚊! 買完就去食嘢, 簡單D食super sandwiches, 又係餵埋奶啦, 但佢食完都未瞓, 到差不多走嗰時先瞓, 好在有個hip sit都OK! 行咗陣商場先走, 仲撞到個中學同學, 去太子間Lego鋪睇咗陣先返屋企, 返到去又係第一時間全部要洗白白, 柏仲到6點幾又係頂唔順瞓咗, 想餵粥比佢都唔得, 子元就執好書包等等就可以盡情咁玩, 老公去咗踢波, 我又一對二, 襯柏仲瞓緊就整晚餐同笨元撐枱腳, 佢睇住running men嚟食實冇問題, 到8點都要整醒柏仲食D粥先, 但只食咗1粒左右就唔肯食, 可能太餓唔想食粥, 餵支7安比佢勁快食哂, 8點幾先嚟食7安, 今晚又要等到12點先可以再叫醒佢餵! 9點幾睇埋top model就同笨元柏仲入房玩咗陣先K.O.笨元, 10點幾柏仲都頂唔住, 噯咗陣放佢上床瞓到豬仔咁, 老公11點幾返嚟, 大家都唔太眼瞓, 邊睇錢的化身邊餵埋隻可以邊瞓邊食的豬仲, 2點先瞓!

<人地啜奶咀, 佢就係咬架!>

 <第一次去旺角!>