21/6/14

21/6/14   SAT   HOT

今朝遲咗D起身, 搞到出得門口去畫班都遲, 等笨元快食埋個早餐就去畫室, 之後我就買早餐返工啦, 都係hea吓等收工, 12點幾老公佢地上到嚟, 豬仲比人玩吓咁啦, 1點就閃人啦, 去咗荃灣先食晏, 因為要去傢俬鋪整床畫圖, 食飯時柏仲都食埋奶, 然後瞓咗, 咁我都可以食餐好, 去到傢俬鋪就傾埋幅圖點做, 子元係咁選埋哂D唔夾的顏色啦, 老公梗係係咁band佢啦, 最終都選好哂, 都要等下星期出到圖再睇吓點, 豬仲瞓得嗰一陣就醒咗, 咪要抱住佢嚟傾囉! 選好哂都係一D好實用的做法, 唔會好cute咁, 話哂用到大個架嘛! 之後就去Aeon商場嗰邊行, 先去睇玩具, 再去超市買嘢, 竟然撞到子元同年同月同日生GE朋友仔, 其實兩個細路都唔識GE, 不過真係有FB大家可以keep住聯繫, 傾咗一陣我地就買嘢今晚返去煮啦, 今晚食烚吓烚吓, 買齊就撘地鐵返去啦, 兩個細沖好涼就Daddy照顧柏仲, 子元就去做埋D珠算, 但做到衰衰咁, 激到我又顛啦, 終於搞得掂佢, 我就一路做緊打掃的, 佢做好我亦可以去沖涼, daddy同豬仲瞓咗, 子元做好嘢就陪佢玩咗陣, 到7點幾叫醒老公整嘢, 我就熱番D粥比豬仲, 快手食咗一轉就邊餵柏仲邊食囉, 放佢喺high chair食, 等佢感受吓同枱食飯係點! 餵完就要陪佢玩一輪啦, 老公頭痛食完一陣又瞓咗, 基本上我就要同佢兩個單打獨鬥了, K.O.咗子元, 又到柏仲顛, 佢係扭食囉, 因為8點比咗4粒粥佢差不多食哂冇補奶嘛, 所以到10點就嘈, 結果餵埋佢就瞓咗, 我就寧咗到11點幾去瞓啦!