13/6/14

13/6/14   FRI   HOT

今朝真係勁黑仔, 早早出到門口架, 因為嫲嫲一早過咗嚟我唔洗理柏仲嘛, 點知出到去巴士站, 笨元食緊麵包啦, 我望向遠處見到點解有架貨車打橫喺到呢, 再望清楚佢唔郁架喎, 心諗死梗啦實係撞咗車, 巴士入唔到想撘的士都冇, 唯有撘地鐵囉, 仲要帶埋另一個姐姐撘地鐵入去, 返得去都8:35, 又遲囉! 搞到我返工班車都遲埋, 買得早餐要9:30, 朝早都係做吓自己嘢啦, 下午又要開會啦陰公, 午飯後又冇咩電視好睇, 到三點幾D老細返哂嚟就要開會, 真係超唔鐘意開會, 而家仲要真係出會議記錄! 開到4點幾話叫tea, 先知老公找過我, 都係揍唔切仔啦, 最麻煩係敏瑩今日冇返學架嘛, 撘唔到單, 我又走唔開, 又唔想蝕比學校, 仲要等我開完會入青衣會超遲, 結果找到葵媽幫我揍咗子元去佢屋企先, 本來諗住我放工入去揍番, 咁啱敏瑩原來5點幾IN亨澤, 於是程生話IN完幫我揍埋子元出嚟, 反正今晚都合唱團, 咁就求之不得啦, 放得工我就返屋企睇住個細, 嫲嫲回家啦嘛! 點知隻衰仲食得3安幾4安就唔食, 都冇法架啦! 程生嚟就接番笨元返屋企啦, 食D嘢跟住就功課, 做到7:45要出門口啦, 佢地去唱歌我地去食飯, 初頭柏仲都肯用安全帶坐定, 到我地食嗰時就唔肯啦, 都唔知係坐得耐定想食埋一份, 開初比少少飯佢食都OK , 之後扭眼瞓啦, 唯有我抱一陣老公抱一陣! 食完返到去接佢地, 玩到9:30就走, 敏瑩明天要IN荔天呢! 返屋企途中柏仲瞓咗, 咁我地沖哂涼先啦, 等佢瞓醒幫佢沖好涼就食奶然後再瞓過, 笨元都瞓啦, 我都好攰要瞓, 老公就話要睇波, 唔理佢啦我瞓覺!

<用嚟整證件相!>

 <好雀躍!>

 <原來等沖涼!>