27/6/14

27/6/14   FRI   HOT

今朝敏瑩又送車尾, 我地反而剛剛好上到車, 返到學校都係等入去啦, 熱到呢! 買埋早餐返公司, 朝早都係做吓自己嘢啦, 中午落去買車仔麵, 平平地食一餐啦, 下午老細返咗嚟, 傾咗陣嘢後佢就走, 可以做吓自己嘢, 找吓8月去澳門的資料, 若再去番悅榕莊真係要問Amanda有冇平房先抵去, 唔係全家去要差不多5000蚊真係好貴! 放工喺759掃咗好多貨, 搬到我死死吓! 返到去老公瞓咗, 真係由得兩個仔喎, 柏仲喺床子元自己玩緊! 望一望個表先知柏仲未食奶, 又即刻開始餵佢, 然後要幫子元溫書, 起碼溫咗中文先嘛! 跟住又夠鐘去合唱團, 我地就去咗食飯啦, 豬仲真係唔多肯坐, 可能坐得低悶, 都係時候要train佢架啦, 都就嚟足7個月囉! 食完返去接佢地啦, 又玩到九點半先走, 期間放柏仲喺枱做乳豬全體, 程太又放埋敏婷上去, 兩個喺到好似打架咁GE樣真係好得意! 夠鐘就走人啦, 返到去沖埋涼都11點仲要餵埋柏仲, 老公就K.O.笨元, 我都超攰, hea多陣就瞓啦!

<熱身!>

 <埋牙!>

 <還拖!>

 <出手!>

 <呵番!>

 <柏仲舊曆7個月啦!>