20/6/14

20/6/14   FRI   HOT

今日要撘巴士返學啦, 因為嫲嫲出嚟, 本來都唔洗理仲仲, 但佢醒咗又有時間咪餵咗佢先囉, 搞掂就出門口啦, 已經唔算好遲, 但都啱啱趕得切巴士, 好彩! 返到學校都係吹陣水啦, 跟住就買早餐返工啦, 返到去都係做吓自己嘢, 午飯後老細一早返咗, 係咁發表偉論, 真係好嘈! 下午冇咩做, 不過老細走咗過嚟時都要扮吓嘢搵D嘢出嚟做吓! 放工後去咗萬寧買嘢, 因為又送公仔麵又送汽水, 咁牙膏就係咪都要用, 買得過! 返到去笨元都做咗一部份功課架啦, 老公煮埋烏冬比笨元食, 我就睇笨元功課, 都冷落咗柏仲架, 冇法啦! 老公話佢5點食得3安就瞓咗, 咁我咪試吓再餵囉, 佢係都唔食, 冇法啦我咪蒸3粒粥佢食囉, 都食咗一半! 終於可以休息吓, 到七點九先執嘢去合唱團! 食晚飯時, 程生佢地先講今日黃昏時收到call, 當然好消息啦, 但叫我地唔好同人講, 咁都啱, 等佢地自己對外公佈啦! 9點返去小童群益會接佢地啦, 玩到9點半先返屋企, 沖好涼就一齊同柏仲玩, 開咗份新玩具, 當然唔係我地買架啦, 人地送GE貨辦! 子元搶住教柏仲玩, 我就樂得在一旁休息, 子元又教得有板有眼, 到11點要瞓覺啦, 柏仲食埋支奶都倒頭大睡, 我12點都瞓啦, 冇等老公因為佢睇波!

<方包麵食匙食到咁好味!>

 <佢真係好貪玩!>

 <伏喺枱面...跟住一攰個頭撞咗落枱!>

 <得戚啦你!>

 <試玩新玩具中!>

 <但點玩GE呢?>